Khamoshi

Kuch ankahi baatein, kuch ankahe ehsaas liye ghoomta hu main,

Yakeen mano nahi pee hai maine par fir bhi jaane kyu jhoomta hu main.

Kuch baatein hai jo hontho pe aake ruki hai mere,

Kuch jazbaat lete hai angdayiaan dil mein shaam savere.

Karna chahta hu vaada ki nibhaunga jeevan bhar tera saath,

par kar yakeen pachtayegi tu thaam kar mera yeh haath.

Nahi chahta ki tujhe wo pachtawa du main,

shayad isliye hi abhi tak KHAMOSH hu main.

Tu ban ke aayi jeevan mein mere khushboo bahaar ki,

shayad isiliye sakoon mila sun ke daat bhi sarkar ki.

Naa kahunga aur kuch bas itna samjhana chahta hu,

ki shabd bole na bole dil se tujhe hi bhaata hu. 

-Pic taken from http://coverlaydown.com/2010/10/darkness-darkness-coverfolk-for-our-shorter-days/

Kya hai koi (Is there someone) ??

Kya hai koi aisi awaaz, jo bhed de sannate ko,
Kya hai koi aisa shabd, jo shabd de iss naate ko.
Kya hai koi aisi moorat, jise poojne ko dil chahe,
Kya hai koi aisa shaks jo iss dil mein bas jaye.

Kya hai koi aisi kitab jo uska chehra dikhaye,

Kya hai koi  aisa sailab jisme doob jaane ko mann lalchaye,

Kya hai koi aisa phool jo fir uski yaad dilaye,

Kya hai koi aisa geet jise hum bhi gungunaye.

Kya hai koi aisi baat jo hum auro se chupaye,

Kya hai koi aisa jurm jiski hum bhi sazaa paye,

Kya hai koi aisa waqt jab waqt bhi tham jaye,

Kya hai koi aisa dard jisey yeh aankhein bataye.

Kya hai koi aisi mannat jise shiddat se dil chahe,

Kya hai koi aisi amanat jise dil apne dil se lagaye.

Kya hai koi aisi adaa jispe hum mit jaye,

Kya hai koi aisa junoon jo fanna kar jaye??

Image taken from bethanyjoy-livelaughlove.blogspot.com